OLIY O‘QUV YURTLARIDA MUSTAQIL TA’LIMNI TASHKIL ETISHDA INNOVATSION USUL VA VOSITALARDAN FOYDALANISH –PEDAGOGIK MUAMMO SIFATIDA

Аннотация

 Hozirgi vaqtda oliy o‘quv yurtlarida ta’lim jarayonining asosiy qismi mustaqil ta’limga ajratilmoqda va bu talabalar bilimini baholashning asosiy ko‘rsatkichi sifatida qaralmoqda. Shu sababli, ushbu maqola oliy ta’lim muassasalarida mustaqil ta’lim jarayonini tashkil etishning innovatsion usul va vositalari mavzusiga bag‘ishlangan. Ushbu maqolada birinchi navbatda mustaqil ta’limning nima ekanligi so‘ngra mustaqil ta’limni tashkil etish shakllari va vositalari tasvirlangan. Talabalarning mustaqil ishlari xususiyatlariga ko‘ra alohida muhokama qilinadi. Ta’lim jarayonida mustaqil ta’limning ahamiyati ilmiy va amaliy jihatdan asoslanadi. Mustaqil ta’limni tashkil etish yo‘llari haqidagi mavjud materiallar asosida shakllantirilgan. Ma’lumki, bugungi kunda mustaqil ta’lim ustida ko‘plab yangiliklar qilingan va talabalar uchun yanada foydali bo‘lishi uchun zamonaviy, innovatsion usul va vositalar yo‘lga qo‘yilib kelinmoqda. Ammo shunga qaramay Oliy ta’lim tizimida hozirgi davr dolzarb masalasi-mustaqil ta’limni to‘g‘ri tashkil etish va uni amalga oshirishda tizimli ishlarni yo‘lga qo‘yish, talabalami mustaqil ishlashga o‘rgatish ijodiy va ijtimoiy faol, ijtimoiy-siyosiy hayotda mustaqil ravishda o‘z o‘rnini topa olish malakasiga ega bo‘lgan kadrlarning yangi avlodini shakllantirish hisoblanadi. Shuning uchun ushbu maqolada talabalarning mustaqil ishlarini tashkil etishda qo‘llaniladigan zamonaviy shakllarning pedagogik muammolari, mustaqil ta’lim yuklanmasining talabalar uchun kamligi, topshiriqning osonligi (ya’ni qo‘lda daftarga oddiy konspekt yoki refarat tayyorlash va kompyuter xizmatlaridan tayyorini sotib olish orqali tayyorlash) muammolari aytib o‘tiladi. So‘ngra, ularni innovatsion usul va vositalar yordamida hal qilish yo‘llarini ochib berishga harakat qilinadi.